TB JOSHUA IMAGES WI MSG

WATCH EMMANUEL TV LIVE

AFRICAN CRYING

AFRICAN CRYING

MLIMA WA MOTO IBADA YA JUMAPILI 16/08/2015 UKIANGALIA UTABARIKIWA

MSANII WA BONGO MOVIE FREDY MSUNGU AOKOKA NA KUWA MWIMBAJI WA NYIMBO ZA INJILI

RUMAFRICA CONTACTS

Thursday, August 27, 2015

UKUMBE WA LEO KUOKA KANISA LA MIKOCHENI B ASSEMBLEIS OG GOD - MLIMA WA MOYO "


SOMO:UPONYAJI UPO TAYARI KWA KILA AAMINIE - MCHUNGAJI MADUMLA




Bwana Yesu asifiwe…
Uponyaji ni nini?
Ni tendo la kiimani la kupokea uzima katika roho au mwili kwa njia ya kuombewa,kuwekewa mikono au kulisikia neno sahihi la Kristo Yesu. Tendo hili la kiimani humletea mwamini uzima wa kiroho na afya ya kimwili pale ilipopunguka,kumbuka~wengi walipoponywa udhaifu wa miili yao,waliponywa pia na roho zao.

Kumbuka tena ya kwamba package ya uponyaji ilikwisha achiliwa pale msalabani maana Yeye mwenyewe Yesu Kristo alizichukua dhambi zetu katika mwili wake ili tulipokuwa wafu kwa dhambi zetu,tuwe hai kwa mambo ya haki na kwa kupigwa kwake sisi tumeponywa ( 1 Petro 2:24 )

Hivyo basi,uponyaji haufanywi na mtu awaye yoyote yule isipokuwa Mungu. Hata madaktari bingwa wao hawaponyi bali hutoa tiba tu,mwenye kuponya ni Mungu.Watumishi wa Mungu pekee ndio hufanyika kama daraja au chombo cha kuleta uponyaji ulioachiliwa na Bwana kwa muhusika mwenye kuhitaji.

Kumbe basi wapakwa mafuta wa BWANA ni watu wa muhimu sana sababu wao hufanyika kama chombo cha kuleta uponyaji,bali Mungu ni wa kuogopwa mno Yeye ndie mponyaji mwenyewe.

Yeyote atakaye liamini jina la Yesu Kristo,uponyaji ni mali yake. Hata kama mtu akiwa wa dini nyingine,lakini akija sasa kuliamini jina la Bwana,uponyaji ni sehemu yake,na kupitia huo uponyaji ataokoka. Uponyaji umekwisha achiliwa kwa watu wote wenye kuliamini jina la Yesu Kristo sababu Roho wa Bwana naye ameachiliwa tayari kwa watu wote kushughulika na maisha yetu,thus why ~ ninasema uponyaji upo tayari hata kwako,amini tu na itakuwa hivyo katika jina la Yesu Kristo aliye hai.

~ Uponyaji wa kiroho na wa kimwili waweza kufanyika kwa njia zifuatazo;

▪ Kuwekewa mikono.

▪ Kuombewa.

▪ Kulisikia neno sahihi la Kristo Yesu.

▪Uponyaji kwa njia ya kuwekewa mikono.

~ Mtu aliyekuwa dhaifu aweza kupokea nguvu ya Mungu kwa kuwekewa mikono na mtumishi wa Mungu. Hata kama mtumishi hakuukemea udhaifu huo,lakini kitendo cha kuweka mikono yake juu ya kichwa cha mgonjwa ni dawa tosha ya kuleta uponyaji. Maana imeandikwa;

“ watashika nyoka; hata wakinywa kitu cha kufisha, hakitawadhuru kabisa; wataweka mikono yao juu ya wagonjwa, nao watapata afya.” Marko 16:18

Pia waweza angalia jinsi Bwana Yesu naye alivyoitumia njia hii pale alipomponya mamaye mkewe Petro,imeandikwa;

“ Hata Yesu alipofika nyumbani kwa Petro, akamwona mkwe wa Petro, mamaye mkewe, amelala kitandani hawezi homa. Akamgusa mkono, homa ikamwacha; naye akaondoka, akawatumikia.” Mathayo 8:14-15

Biblia haituambii kwamba Bwana Yesu alimwombea huyu mama,bali tunachoweza kuona ni kwamba Bwana Yesu alimgusa mkono,homa ikamwacha. Mguso tu wa mtu wa Mungu ni dawa tosha,hata kama hakuomba sababu upako ungalimo ndani yake. Maana hata wakina Petro waliweza kuponya wagonjwa kwa kivuli chake tu,sababu ya upako. (Matendo 5:15)

▪ Uponyaji kwa kuombewa.

~ Mtu dhaifu wa mwili anahitaji kuombewa ili apokee uponyaji wake. Kwa kuombewa~mgonjwa anaweza akawa Marekani katika bara jingine na mtumishi wa Mungu akawa Tanzania Afrika bara jingine lakini uponyaji ukafanyika saa ile ile ya maombezi maana maombi hayana umbali.

Mathayo 17:18~ Yesu amkemea pepo,naye pepo atoka kisha kijana akapokea uzima.

~ Mara nyingi njia ya kuombewa huambatana na kuwekewa mikono ~ Matendo 28:8

▪ Uponyaji kwa kulisikia neno la Kristo Yesu.

~Kuna wakati ambapo mtu aliyekuwa dhaifu huponywa kwa neno la Mungu tu,sababu neno la Mungu ni silaha tosha. Mtu mwenye imani ya uponywaji,akifungua moyo wake na kuliluhusu neno la Bwana lipite basi ujue neno halitapita bure ni lazima liponye,ligange,lihuishe kila kitu ndani ya mwili na roho pia. Isaya 55:10-11

Tuangalie mfano mmoja,kamailivyoandikwa;

“ Mtu huyo alimsikia Paulo alipokuwa akinena; ambaye akamkazia macho na kuona ya kuwa ana imani ya kuponywa, akasema kwa sauti kuu, Simama kwa miguu yako sawasawa. Akasimama upesi akaenda. “Matendo 14:9-10.

Mtu huyu hakuombewa,wala hakuwekewa mikono bali alilisikia neno la Mungu lenye uweza lililokuwa likihubiriwa na Paulo,kisha alipoonekana ana imani ya kuponywa~aliambiwa asimame na aende zake,maana uponyaji ulikuwa ni mali yake,sababu aliamini. Ndio maana leo ninakuambia kwamba uponyaji ni mali yako wewe unayeliamini jina la Bwana Yesu Kristo.

Wakati napata wazo hili la kuandika ujumbe huu mzuri,nikagundua kwamba kila mtu anahitaji uponyaji maana kila mtu ana shida yake ambayo kwa hiyo haiwezekani kuponywa na mwingine awaye yoyote yule isipokuwa Mungu tu. Hata wewe pia una shida ambayo kwako ni msimba usioweza kushughulikiwa kibinadamu isipokuwa kwa Mungu tu.

Ndiposa nikawaangalia matajiri,nikaona na wao pia wana shida nzito zinazomuhitaji Mungu aingilie kati au kama la! Watakufa na pesa zao pamoja na shida zao za magonjwa na roho zao zitaenda motoni kuteseka milele ikiwa watakataa wokovu mkuu namna hii maana pesa,mali au farasi haziwezi kumpa mtu wokovu,yaani haziwezi kuiokoa roho,imeandikwa;

“ Hapana mfalme aokokaye kwa wingi wa uwezo, Wala shujaa haokoki kwa wingi wa nguvu. Farasi hafai kitu kwa wokovu, Wala hamponyi mtu kwa wingi wa nguvu zake. Tazama, jicho la Bwana li kwao wamchao, Wazingojeao fadhili zake. Yeye huwaponya nafsi zao na mauti, Na kuwahuisha wakati wa njaa. Nafsi zetu zinamngoja Bwana; Yeye ndiye msaada wetu na ngao yetu. ” Zab.33:16-20

Hapo ndipo nilipoanza kumuangalia Naamani jemedari wa jeshi la mfalme wa Shamu. Mtu huyu alikuwa ni mtu mwenye cheo,mkubwa serikalini lakini alikuwa na ukoma. ( 2 Wafalme 5:1,&2-14 ).

Pesa zake hazikuweza kumsaidia Naamani kuondokana na ukoma,bali Naamani alimuhitaji Mungu amponye. Laiti kama Naamani asingelikubali kuamini na kutii sauti ya Mungu kupitia nabii Elisha,basi ni dhahili angelikufa na ukoma wake ingawa alikuwa na pesa.

Watu wengi wanafanana na Naamani,kwamba kweli wanaumwa lakini hawataki kuliamini jina la Bwana Yesu. Au hawataki mambo ya wokovu kisha wanajikuta wanakufa na ukoma wao. Naamani naye alianza kukataa neno la Mungu kwa sababu ya mitazamo yake ( 2 Wafalme 5:11 ).

Naamani alilitaka Mungu afanye vile alivyotaka yeye,na si atakavyo Mungu kupitia nabii Elisha. Haya ni makosa sana,kumpangia Mungu kwa kukataa kile anachokuambia mtumishi wa Bwana.

Sijui unapitia katika jaribu gani ndugu mpendwa,lakini hata kwa hilo bado waweza kupona. Maana hakuna jambo gumu linalomshinda Bwana, yote yapo katika uweza wake. Waweza pia kunipigia kwa simu yangu ili tuombe pamoja,

piga kwa namba hii kwa maombezi; 0655111149.

Mchungaji Gasper Madumla.

Source: Gospel Kitaa

MWALIMU MITIMINGI KUFUNDISHA NDOA SINZA CHRISTIAN CENTER


UZINDUZI WA DVD YA MCH. LUCY WILSON KUFANYIKA SEPTEMBA 2015


Wednesday, August 26, 2015

FROM SCOAN: THE SECRET OF OUR STRENGTH


EFATHA MWENGE: KUMSIFU MUNGU




MAHOJIANO YA UPENDO NKONE. UPENDO KILAHIRO NA CHRISTINA SHUSHO


JOHN SHABANI BOOK LUNCHING - UZINDUNZI WA KITABU CHA JOHN SHABANI




Hatimaye kile kitabu kilichokua kinasubiriwa kwa hamu; kilichoandikwa na John Shabani​ sasa kinapatikana madukani. Marufuku kukata tamaa ni kitabu kilichobeba majibu ya maswali mbalimbali yanayomkabili mwanadamu, ni kitaba chenye siri ya kuondoka kwenye Umaskini na kuwa tajiri, kwenye Ujinga na kuwa mwerevu, kwenye unyonge/dhaifu na kuwa jasiri, kwenye magonjwa na kuwa mzima, kwenye huzuni na kuwa mwenye furaha, kwenye taabu na shida na kuwa mwenye mafanikio, kwenye kushindwa na kuwa mshindi, kwenye kilio na kujaa kicheko, kwenye aibu, kuchekwa, kudharauliwa na kuitwa mheshimiwa fulani, kwenye dhambi/uovu na kuwa mcha Mungu. Jipatie nakala yako sasa. Nakushauri mnunulie yule unayempenda, unayetamani afanikiwe kiroho, kiuchumi nk. Lakini pia unaweza kututumia pesa yako kwa njia ya tigo pesa 0716560094 au mpesa 0759778778 nasi tutakufikishia popote ulipo Tanzania. Bei ni shilingi elfu kumi tu. kwa mawasiliano zaidi 0713 778778, 0759 778 778






LOWASSA AMBAYE ALISHAWAHI KUONGEA NA NABII TB JOSHUA AZIDI KUWATEMBELEA WANANCHI DAR


MGOMBEA wa urais kupitia Chama Cha Demokrasia na Maendeleo (Chadema), Edward Ngoyai Lowassa kwa mara nyingine ameendelea na ziara yake ya kujua matatizo ya wananchi kwa kuwatembelea wananchi mbalimbali wa Jiji la Dar es Salaam ambapo leo aliwatembelea wafanyabiashara ndogondogo kwenye Soko la Tandale na Tandika. Katika ziara hiyo ambayo ilikusanya umati wa watu, Lowassa alianzia katika Soko la Tandale ambapo alipofika alipokelewa na wafuasi wa Chadema waliosikika wakiimba wimbo wa kumsifia Lowassa kwa kumuita ‘rais wa wanyonge.’ Akiwa sokoni hapo, Lowassa alizungumza na baadhi ya wafanyabiashara wa mahindi ambao walimueleza changamoto za biashara yao lakini wakasema wanaamini kama wananchi wote wataamua kumpa ridhaa ya kuwa rais, atawaboreshea mazingira ya bishara yao. Baada ya kuzungumza na wafanyabiashara hao katika Soko la Tandale, msafara wa Lowassa ulihamia katika Soko la Tandika lililopo Manispaa ya Temeke, jijini Dar kujionea changamoto wanazokutana nazo wafanyabishara. Mara baada ya kumalizana na wafanyabiashara wa Tandika, kiongozi huyo alielekea Soko la Kariakoo ambako alikutana na polisi ambao walimzuia kwa kumueleza kuwa ziara yake haikuwa rasmi hivyo inaweza kuhatarisha usalama wa raia. Jana, Lowassa aliianza ziara hiyo kwa kutembelea maeneo ya Gongo la Mboto kwa kutumia usafiri wa daladala ili kujua kero za wasafiri. 



Mgombea urais, Edward Lowassa (katikati) na mgombea mwenza Duni Haji (kulia kwa Lowassa) kupitia Chadema/Ukawa wakiwa katika soko la Tandale jijini Dar kuwatembelea wafanyabiashara.


Lowassa akisalimiana na bibi muuza mbogamboga soko la Tandale.


...Akiongea na muuza chai.

Wafanyabiashara wakiwa wamezunguka gari lilombeba Lowassa (katikati).


Lowassa (katikati) na Duni Haji wakiwaaga wafanyabiashara.

Kamanda wa Polisi Mkoa wa Kipolisi Ilala Lucas Mpondya (kushoto) akijadiliana jambo na askari wake mbele ya gari la waandishi wa habari lililokuwa likitumiwa kwa shughuli ya ziara ya Lowassa.

PICHA: HARUNI SANCHAWA/GPL

Tuesday, August 25, 2015

ASKOFU MH. DKT. GERTRUDE RWAKATARE WA KANISA LA MIKOCHENI B ASSEMBLIES OF GOD MLIMA WA MOTO AZINDUA RASMI KANISA JIPYA LA MLIMA WA MOTO KIGAMBONI JIJINI DAR ES SALAAM

Siku ya Jumapili 28/08/2015 Askofu Mh. Dkt. Gertrude Rwakatare baada ya ibada aliweza kufika Kigamboni Gezaulole kuzindua rasmi kanisa jipya la Mlima wa Moto Kigamboni. Siku hii ilikuwa ni siku ya kumshukuru Mungu kwa matendo makubwa aliyoyafanya katika kanisa la Mlima wa Moto kwa kufanikisha kupata kanisa jipya ambalo litasaidia sana kuwaleta watu kwa Yesu na pia kuwainua wakazi wa Kigamboni kuishi katika maisha ya kumtumainia Bwana.

Askofu Mh.  Dkt. Gertrude Rwakatare akimshukuru Mungu

Askofu Mh. Dkt. Gertrude Rwakatare ambaye amekuwa na kilio cha kuwainua watu KIROHO na kuwapa upako wa kutamani kufanya kazi ya Mungu, amekuwa msaada mkubwa sana kwa Watanzania na hivi sasa matokeo yanazidi kuonekana machoni pa watu. Kipindi cha nyuma tuliona alivyoweza kulifungua rasmi kanisa la Boko jijini Dar es Salaam ambalo kwa hakika limekuwa likiwasaidia wakazi wa Boko kuishi katika maisha ya kumtumikia Mungu na kuwa na hofu ya Mungu.
Askofu Mh.  Dkt. Gertrude Rwakatare akiaangalia mazingira ya kanisa

Katika kanisa hili jipya la Mlima wa Moto Kigamboni tunategemea makubwa kuyaona kwa wakazi wa Kigamboni na sehemu za jirani ambao watakuwa wakiabudu mahali hapo. Mungu atakwenda kuwainua wakazi hawa Kiroho na kimwili. Askofu Dkt. Gertrude Rwakatare ni kati ya watumishi wa Mungu ambao Mungu wa mbinguni amewapa neema ya kuwasaidia watu kuinuka kiuchumi na hasa Kiroho. Watu wamekuwa wakitoa shuhuda zao jinsi Mungu alivyowainua kiuchumi baada ya kukanyaga katika nyumba ya Bwana na kuombewa na Askofu huyu.
 Kanisa la Mlima wa Moto Kigamboni litakuwa ni kituo cha miujiza, ishara na pia kitovu cha Neno la Mungu kwani kutakuwa na wachungaji ambao Mungu mwenyewe atakuwa anawatumia kupeleka ujumbe wake kwa watu
 Askofu Mh.  Dkt. Gertrude Rwakatare (kulia) na Mch. Noah Lukumayi (katikati)






 Mwimbaji wa nyimbo za Injili na mjasiriamali David Robert

Askofu Mh.  Dkt. Gertrude Rwakatare
 David Robert






 BONYEZA "READ MORE" HAPO CHINI KIDOGO KUSHOTO

MC JERRY MTUMISHI ASHEREHESHA HARUSI YA JANETH NA TUMANIEL NDANI YA UKUMBI WA PICCOLO BEACH HOTEL - DAR

Mc Jerry binafsi ninamkubali sana kwa kazi zake. Ni kijana ambaye anajituma na mwenye discipline katika kazi. Kuhusu kutunza muda kwa MC Jerry amejaliwa, anahakikisha shughuli yake inakwenda kwa wakati uliopanga. Kama ukizungumzia ucheshi wa ma-MC duniani, hutaweza kumsahau MC Jerry, kwani ni kijana mcheshi na anapenda sana kuchekesha na kuona mtu akiwa na furaha wakati wote.

Pia ni mwigizaji wa filamu nchini Tanzania.

Siku ya tarehe  22/08/2015 MC Jerry aliweza kusherehesha harusi ya Janeth na Tumainiel  Unaweza kuwasiliana naye kwa simu +255 718 920 479 na tembelea www.rumaafrica.blogspot.com.












































BONYEZA "READ MORE" KUONA MATUKIO ZAIDI YA EVENT HII
Related Posts Plugin for WordPress, Blogger...